Апаста балалар хәвефсезлеге беренче урында
Мәктәпләрдә укулар башлану белән, балаларның хәвефсезлеген тәэмин итү максатыннан, иминлек дәресләре уздыру бурыч итеп куелды. Районның янгын күзәтчелеге бүлеге хезмәткәрләре дә мәктәпләрдә укучылар белән очраша.
–Җәйге каникул вакытында онытылган таләп-кагыйдәләрне укучыларның хәтерләренә төшерү мөһим. Мәктәпләргә барабыз, укучылар белән аралашабыз, әңгәмәләр уздырабыз. Куркынычсызлык сигнализацияләрен эшләтеп, өйрәнү эвакуацияләре оештырабыз, инструктажлар үткәрәбез. Олы Бакырчы, Каратун, Дәүләки, Морзалар, Апас мәктәпләрендә шундый очрашулар узды. Апасның “Кояшкай“, “Салават күпере“ бакчаларында нәниләр белән очраштык“, – ди янгын күзәтчелеге бүлеге җитәкчесе Илдар Вәлиев.
Следите за самым важным и интересным в Telegram-каналеТатмедиа
Нет комментариев