Апаста чыгарылыш кичәсе узды

Апастово-информ, 27 июнь 2018 - 17:00

2115

Бүген Үзәк ял паркы кабат күңелле шат авазларга күмелде. Биредә районыбызның чыгарылыш сыйныф укучылары чыгарылыш кичәсенә җыелды.

Берсеннән-берсе матур, сөйкемле кызлар-егетләр мәйдан түренә чакырылып кулларына аттестат алды. Озак еллар балаларга белем биргән укытучылар үзләренең хезмәт җимешләрен татып, горурлык хисе кичерделәр. Әти-әниләр газиз балаларына якты киләчәк теләп, олы тормышка озаттылар.
Чыгарылыш укучыларын район башлыгы урынбасары Ленар Хантимиров, район башкарма комитет җитәкчесе Алмаз Гыйбадуллин, район мәгариф бүлеге җитәкчече Алсу Хәйруллина тәбрикләде һәм изге теләк-киңәшләрен юллады.