Апаста хастаханәдә дәваланучылар Яңа ел бүләге алды

(31 декабрь, ""Апастово-информ").

Ел гадәти генә үтмәде. Хастаханә хезмәткәрләренә зур һөнәри осталык, уяулык, көнне-төнгә ялгап эшләү таләп ителде. Яңа ел бәйрәмен дә хезмәт урынында каршылаучылар бар. Аларга рәхмәт сүзләре яңгырады.
Төрле чирләр сәбәпле, бәйрәмне хастаханәдә каршыларга мәҗбүр булган райондашлар да бүләкләр алды.
Быел авырулар белән очрашу, хәлләрен сорап, бүләкне кулларына бирү мөмкин түгел. Район башлыгының бәйрәм күчтәнәчләрен хезмәткәрләр тапшырачак. Баш табиб Алмаз Алиуллин шулай дип белдерде.
"55 бүләк алып килдек. Авырулар вакытлыча булсын, чирләр узсын. Барча райондашларга сәламәтлек телим", - диде районның социаль яклау идарәсе җитәкчесе Зөлфия Гайнуллина.