Апаста хокук сакчылары тикшерүләрне һәм кисәтү чараларын көчәйтә

(15 май, “Апастово-информ“).

Таләпләрне үтәмәүчеләр, үзләренең һәм янәшәдәгеләрнең сәламәтлегенә салкын караучылар очрап тора. Тикшерүләр даими бара. Бүгенге көндә 198 беркетмә төзелгән. Бу хакта район эчке эшләр бүлеге җитәкчесенең җәмәгать тәртибен саклау буенча урынбасары Айрат Нигъмәтҗанов хәбәр итте.
“Кеше күп булган җирләрдә сирәгрәк булыгыз. Битлек һәм перчатка кияргә онытмагыз. Сәламәтлек үз кулыбызда“, – диде ул.
Шулай ук мобиль төркемнәр дә эшен дәвам итә. Алар бер үк вакытта 3 юнәлештә эшли.