Багышта яшәүче Нуркамал әби Ягудина котлаулар кабул итте

Ә янында 4 кызы, кияүләре, оныклары бөтерелә. Күршеләре, туганнары да әбине олы юбилее белән тәбрик итәргә килгәннәр. 
Сугыш чоры авырлыкларын әрнеп сөйли әби. Окоп казыган, урман кискән, авыр кул хезмәте башкарган еллар бүгенгедәй хәтерендә. 
-Хәзер тормыш бик матур да. Без бераз олыгайдык. Шулай да 100гә кадәр яшисе иде әле, – дип куйды үзе. 
95 яшьлек олы гомер бәйрәме уңаеннан Нуркамал әбигә Ил башлыгының Котлау хаты, район башлыгының Котлау открыткасы, бүләк һәм чәчәк бәйләме тапшырылды. Районның социаль яклау идарәсе җитәкчесе Гөлчәчәк Мәүлетова, Чирмешән авыл җирлеге башлыгы Айрат Зиннәтуллин әбине тәбрик итеп, иң изге теләкләрен җиткерделәр.