Тән сихәте, җан рәхәте өчен

Апастово-информ, 4 декабрь 2019 - 15:53

1063

Районда инвалидлар ункөнлеге дәвам итә. Әлеге ункөнлек уңаеннан район җитәкчелеге үз аякларында йөри алмыйча, коляскада утырырга мәҗбүр булган райондашлар янында булып, шәхси бүләкләрен тапшыралар.

Район башкарма комитеты җитәкчесенең инфраструктур үсеш буенча урынбасары Айрат Хәсәнов Үтәмеш авылында яшәүче тумыштан авыр чир белән көрәшүче 9 яшьлек Данил Әхмәтҗановка махсус кровать бүләк итте.
- Бу безнең өчен көтелмәгән зур шатлык булды. Изгелек җирдә ятмый. Сәламәт, бәхетле булып яшәгез, - диде Данилның әнисе Гөлнур Харисова.