Җир – үзен кадерләүчеләрне генә сөя

Җаваплы көннәрдә кырларда икешәр сменада 50дән артык агрегат эшләде. Басуларга ике-өч тапкыр кайнар аш-су чыгарыла. Хәзер шикәр чөгендере, кукуруз игелгән басуларда җирне туңга сөрәсе калды. 
“Свияга” агрофирмасы механизаторы Фәнис Акберов быел җир әзерләүдә алдынгылар арасында булды. Тырышлыгы бушка китмәде тәҗрибәле игенченең. Ул үзе кебек уңган-булган хезмәттәшләре белән беррәттән Казанда үткән “Уңыш-2018” бәйрәм чараларында катнашты. 
Горбунов исемендәге берләшмә механизаторлары Алмаз Сәлахетдинов, Илнур Низамов, Азат Гобәйдуллин, Илгиз Шәмсиев, Илһам Җамалиев һәм башка хезмәттәшләре бүген 2019 ел уҗышына ныклы нигез салу белән мәшгуль. 
-Җир ул үзен кадерләүчеләрне генә сөя, - диләр алар. 
Ришат Җамалиев.