Апастово-информ

Апас районы

18+
Рус Тат
2024 - год Семьи
МӨҺИМ ТЕМА

Коронавируска каршы антитәнчекләрнең зур дозасы кабаттан вакцина алгач барлыкка килә

Табиб сүзләренә караганда, әгәр организмда меңгә кадәр антитәнчек эшләнсә, авырудан 95 процент күләмендә сакланып булачак.

Организмда антитәнчекләрнең удар дозасы эшләсен өчен, коронавирустан кабат вакцинация үтәргә кирәк, дип саный табиб аллерголог-иммунолог Владимир Болибок.

Аның сүзләренчә, беренчел вакцинациядән соң иммун системасы антитәнчекләрнең югары дәрәҗәсен булдырачак, әмма алар кимиячәк, чөнки кешенең иммунитеты шулай корылган. Инфекция белән элемтәгә кермичә, организм антитәнчекләрне куллана, чөнки аларны саклау өчен энергия һәм аксымны сарыф итәргә кирәк. Тик ревакцинация вакытында вирус белән кабат контакт булса, монда инде хәтер күзәнәкләре хәрәкәткә килә, дигән доктор сүзләрен китерә портал URA.RU.

Реклама

Болибок фикеренчә, ревакцинациядән соң организмда бик күп антитәнчекләр эшләнеп чыгарга мөмкин. Табиб: «Минем тәҗрибәмдә миллилитрга 2000дән 5600 баллга кадәр очраклар булганы булды», - дип аңлата. Владимир Болибок белән иммунолог, медицина фәннәре кандидаты Николай Крючков та килешә. Ул ике компоненттан торган прививканың берсен алганнан соң яки коронавирус инфекциясе кичергәннән соң алты ай узгач кабат прививка ясатырга мөмкин, дип искәртә. Табиб сүзләренә караганда, әгәр организмда меңгә кадәр антитәнчек эшләнсә, авырудан 95 процент күләмендә сакланып булачак.   

Чыганак:  https://tatar-inform.tatar/news/health/11-11-2021/koronaviruska-karshy-antit-nchekl-rne-zur-dozasy-kabattan-vaktsina-algach-barlykka-kil-5842951

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев