Үләмәдә боз кузгалды

5 апрельдә алар Йомралыда авыл күле, Идрәз авылы инеше,  Чүрибураш авылы янәшәсендәге Үләмә елгасы халәте, олы юллардагы су агу корылмалары, күперләрнең язгы ташуга әзерлеген тагын бер кат тикшереп кайттылар.

- Үләмәдә бүген боз кузгалды. Зөя, Бола, Чирмешән елгаларында боз тыгылу куркынычы булган урыннар тәүлеклек көчле күзәтү астында тора,-ди Руслан Ромачков. -Авыл җирлекләре үз территорияләрендәге күперләр янәшәсендә су биеклеген күрсәтүче аерым тамга-билгеләр куйды, андагы мәгълүматларны даими рәвештә Казанга тапшырып барачакбыз. Быелгы язгы ташу беребезгә дә көтелмәгән күңелсезлекләр алып килмәсен. Бозга чыгу катгый тыела. Әти-әниләр балаларны зур су буена җибәрмәсен иде,-дип кисәтә.

Ришат Җамалиев.