Өлкән яшьтәге үзешчән башкаручылар республикакүләм “Балкыш“ фестиваленең зона турына әзерләнә

Район башкарма комитеты җитәкчесе урынбасары Луиза Сафина белдерүенчә, район сайлап алу турларында барлыгы 1000 артык өлкән кеше катнашкан булса, 56 башкаручы зона турына үткән. Биредә катнашучылар шулай ук “Нәфис сүз”, “Бию”, “Вокал”, “Вокал-инструменталь ансамбльләр” номинацияләрендә чыгыш ясыйлар. Әлегә бик җитди әзерлек эшләре бара. Өлкәннәребез Апас мәдәният йорты сәхнәсендә кат-кат чыгышларын кабатлыйлар. Аларга уңышлар телибез. Апас данын республика күләмендә дә танытуларына ышанып калабыз.