Район судында 44 апаслының эше каралган

(23 апрель, “Апастово-информ“).

Алар – кисәтүләргә буйсынмыйча, коронавирус таралу мөмкинлеге зур булган чорда, махсус рөхсәтсез җәмәгать урынында йөрүчеләр. Бу хакта судья ярдәмчесе Миләүшә Гомәрова хәбәр итте.

Район судыннан хәбәр итүләренчә, райондашларның үз сәламәтлегенә, иминлегенә салкын каравы бер гаҗәпләндерсә, алар арасында 2 салмыш шофер да булуы тагын да уйландыра. Закон бозучылар 1 яки 2 мең күләмендә штрафка тартылган. Кабат махсус рөхсәтсез хокук сакчыларына очрасалар, бу юлы штраф та саллырак булачак.