Тәтеш районында көнләшү фаҗига белән тәмамланган

Бу хакта «Татар-информ» га Татарстан прокурорының өлкән ярдәмчесе Руслан Галиев әйтте.   Судта билгеле булганча, узган елның 1 октябрендә Тәтеш районында яшәүче 36 яшьлек ир-ат хатынының өендә була. Ир-ат кер үтүкли торган өстәлгә ут төртә, ә үзе урамга йөгереп чыга. Нәтиҗәдә йорт тулысынча янып бетә. Янгын аркасында 334 мең сумлык зыян килә.   Ир-ат үзенең гаебен таныды һәм көнләшү аркасында шундый адымга баруын сөйләде.   Суд ирне ярты елга сынау срогы белән шартлы рәвештә ирегеннән мәхрүм итте.

Фото: пиксабай

Тулырак: https://matbugat.ru/news/?id=28123