МЕНӘ ШУНДЫЙ КЫЗ УЛ – АЛИЯ!

Алия Нәфикова мәктәптә яхшы билгеләренә генә укудан тыш һәр төрле ярыш-бәйгеләрдә дә актив катнаша. Район, республикакүләм бәйгеләрдә, фән олимпиадаларында призлы урыннар ала. Туган авылы Ындырчы мәчетендә дин сабакларын да үзләштерә. Шулай ук "Сәләт" балалар иҗаты үзәге каршында оешкан Ләйсән Төхвәтуллина җитәкчелегендәге "Сәхнә теле" түгәрәгендә дә шөгыльләнә. "Дулкыннар" бәйгесендә дә Алия искиткеч осталык белән Ф. Бәй­рәмованың "Сөембикә каргышы" дигән шигырен сөйләп тамашачыны шаккатырды һәм беренче урынга лаек булды.