90 яшьлек Дулкын бабай мотоциклда да җилдерә, балык тотарга да бик теләп йөри

Дулкын абый озак еллар почта бүлекчәсендә хисапчы булып хезмәт иткән. Шуңа күрә хәзер дә исәп-хисап эшләрен белеп һәм төгәл башкара. Пөхтәлеге, чисталыгы белән дә аерылып тора ул. Төзелеш эшләрен яхшы белә. Ул әле яраткан мотоциклында да әйләнеп кайта, балык тотарга ярата. 
Балалары, оныклары, оныкчыклары аның өчен өзелеп тора. 90 яшьлек гомер бәйрәме белән дә һәрберсе тәбрик итеп, ихлас теләкләрен җиткерде. 
Дулкын абый олы гомер бәйрәме уңаеннан Ил башлыгының котлау хатын, район башлыгының Котлау открыткасын һәм бүләк алды. Районның социаль яклау идарәсе җитәкчесе Гөлчәчәк Мәүлетова, Апас шәһәр тибындагы башкарма комитеты җитәкчесе Фәнис Шәрәфетдинов, район почта бүлекчәсе җитәкчесе Илсөя Дәүләтшина иң изге теләкләрен җиткереп, бүләкләрне тапшырдылар.