Автоинспекторлар бүләк таратты

Апастово-информ, 14 июнь 2019 - 13:48

971

“Юл хәрәкәте иминлеге“ дәүләт оешмасының Буа территориаль бүлеге җитәкчесе Анна Сергудаева белән баш белгеч Сиринә Мурзакова район ЮХИДИ инспекторлары белән бергә район үзәгендә “Бала-иң мөһим пассажир!“ акциясе үткәрде.

❮ ❯

Әти-әниләргә баланы махсус креслода гына йөртү мөһимлеген аңлаттылар, юл йөрү кагыйдәләрен төгәл үтәргә чакырдылар һәм машинадагы төп пассажир-балаларга махсус истәлекле бүләкләр бирделәр. Акция дәвам итә һәм аны оештыручылар һәр авылда булырга вәгъдә бирә. Балаларны машинада йөртү таләпләрен үтәмәүче шоферларга хәзерге штрафлар бик саллы-ул 3000 сум тәшкил итә. Юлларда сак булыгыз, райондашлар!

Ришат Җамалиев.