Гражданнарны кабул иттеләр

Ландыш Гайнуллина, 9 декабрь 2024 - 10:28

175

Апаста Татарстан Республикасы Дәүләт Советы депутаты Айдар Тагиров район башлыгы Айрат Җиһаншин белән берлектә халыкны кабул итте.

(9 декабрь, “Апастово-информ”).

Апаска эшлекле сәфәр белән Татарстан Республикасы Дәүләт Советы депутаты Айдар Тагиров килде. Ул район хакимиятендә халыкны кабул итте. Апаслыларны торак мәсьәләләре, юллар төзелеше буенча сораулар кызыксындырды. Шулай ук педагог ир-атларны хәрби хезмәткә чакырылудан азат итү теләкләре әйтелде. Барлык сораулар, теләкләр буенча җаваплар һәм консультацияләр бирелде.