Кабыккүпердә янгын чыккан

Шул ук вакытта Югары Ындырчы, Акхуҗа янгын сүндерү бүлекчәләренә дә хәбәр ителә. Янгын сүндерүчеләр, электр челтәрләре, газ һәм башка җаваплы хезмәт вәкилләре вакыйга урынына ашыга. 
Янгын сүндерүчеләр сүзләренчә, Кабыккүпердә бер хуҗалыкның мунчасына ут каба. Ялкын телләре янәшә торган хуҗалыкның агач сараена да үрмәли. Йортка ут кабу куркынычы зур була. Авыл халкы ярдәмчеллек күрсәтә. Алар чиләкләр белән су сибеп, утны йөгәнләргә булыша. Янгын сүндерүчеләргә соң хәбәр итү азрак катлаулылыклар тудыра. 
Бу көнне ике сарай, мунча зыян күрә. Бәхеткә каршы, кешеләр зыян күрми. Хәзер бу вакыйга буенча тикшерү эшләре бара. Ут-күздән сак булыгыз!