Кече Болгаер егете Белоруссиядә узган хәрби парадта катнашты

Ул төзелеш көллиятендә укыганда “WorldSkillS“ яшь һөнәр осталары бәйгесендә катнашып җиңү яулаган иде. Айдар кулына диплом алу белән хәрби бурычын үтәргә юл алды. Ул Мәскәү өлкәсендә, танк гаскәрләрендә хезмәт итә. Солад егет армия хезмәтендә дә сынатмый. Ул хәрби әзерлеге, максатчанлыгы, кыюлыгы белән аерылып тора. Айдар 26 июнь – 5 июль көннәрендә Белоруссиядә узган хәрби парадта да катнашты. Аңа парад истәлеге итеп сәгать бүләк ителде.