Киләсе июльдән Татарстанда торак-коммуналь хуҗалык тарифлары 17,5-22,3 процентка арта

  Шул ук вакытта торак-коммуналь хуҗалык өчен түләү 870 муниципаль берәмлектә 17,5 процентка арта. Алар арасында республиканың күпчелек авыл җирлекләре, шулай ук Әлмәт, Арча, Буа, Лениногорск һәм Чистай шәһәрләре, Кама Тамагы, Түбән Мактама һәм Урыссу шәһәр тибындагы бистәләр бар.

  Калган 43 муниципалитетта торак-коммуналь хуҗалык тарифлары 22,3 процентка күтәрелә. Бу чара 21 шәһәргә (шул исәптән Казан белән Чаллыга), 15 шәһәр тибындагы бистәгә һәм 7 авыл җирлегенә кагыла.

  Аерым алганда, Казанда электр энергиясе өчен түләү 19 процентка, салкын су өчен 17,5 процентка, су бүлү өчен 17,5 процентка, ягып җылыту өчен 22,3 процентка, каты коммуналь калдыкларны чыгару өчен 8,9 процентка, ә кайнар су өчен 21,6 процентка арта.

  «Татар-информ» хәбәр иткәнчә, Россия Хөкүмәте Татарстанда торак-коммуналь хуҗалык тарифларын 17,5 процентка күтәрергә рөхсәт иткән, рөхсәт ителгәннән тагын 4,8 процент өстәлергә мөмкин.

_{Чыганак:https://tatar-inform.tatar/news/kilase-iyuldan-tatarstanda-torak-kommunal-xualyk-tariflary-175-223-procentka-arta-5897784}

_{Фото:© "Татар-информ", Солтан Исхаков}