Район игенчеләренә көнгә өч тапкыр кайнар азык китерелә

-Көнгә 3 тапкыр кырга аны машина белән бик тырыш ярдәмчебез Шәүкәт Хөсәенов чыгара. Бу көннәрдә басуларда кырыктан артык техника, игенчеләр эшли. Ындыр табагында ике сменада эшләүче ашлык эшкәртүчеләр өчен табынны монда гына көйлибез. Җәйләүләрдә дә безне зарыгып көтеп торучы терлекче-көтүчеләр, механизаторлар аш-суыбызны мактый-мактый ашый, безгә дә рәхмәт ишетүе бик рәхәт,-ди Светлана Телишева.

-Басу-кырлар, җәйге терлек лагерлары буйлап көненә 100 чакрымлап юл үтәм, тәмле телле, ягымлы, уңган пешекчеләребез пешергән аш-суны урыннарга кайнар килеш алып киләм. Бергә, бердәм  булсак кына эш уңа ул,-ди шофер Шәүкәт Хөсәенов.