“Садә“ ансамбле Биектау Сабан туенда катнашты

Ике ел рәттән фестивльдә уңышлы чыгышы ясап, лауреат исеме алган садәлеләрне быел Биектау Сабан туена кунак итеп чакырдылар. “Түгәрәк уен“ әлеге Сабантуйның бер бизәге. Аңа биредә зур урын бирелә. “Садә“ ансамбле Сабантуйда чыгыш ясады һәм халыкның игътибарын җәлеп итте. Дипломга да лаек булды. 
-Ансамбльгә яшь күңелле, сәнгать җанлы, көчле рухлы райондашлар йөри. Алар шат күңел белән яшиләр, һәр сәфәргә ныклап әзерләнәләр, мәдәни чараларның үзәгендә кайныйлар. Көн кызу булуга карамастан, теләп юлга чыктылар, рәхәтләнеп күңел ачып, халыкны ял иттереп кайттылар. Рәхмәт аларга, – ди Земфира Мөхәммәтшина.