Телевизор иясен тапты

Апас урта мәктәбенең татар теле укытучысы Гүзәл Дәүләтшинага ул тантаналы шартларда – 8 Март бәйрәме уңаеннан оештырылган тантанада тапшырылды. 
–“Йолдыз“ны кечкенәдән укыйм. Бәйгедә дә даими катнашам. Узган яртыеллыкта фотоаппарат откан идем. Бу юлы зуррак бүләк – телевизор насыйп булды, – ди бәхетле отыш иясе. 
Гүзәл Дәүләтшина шулай ук иң зур суммага язылучы буларак, кызыксыну бүләгенә дә лаек булды. 
“Йолдыз“ газетасының баш мөхәррире Гүзәл Хилавиева аны чын күңелдән тәбрик итеп, коллективны бәйгедә актив катнашырга чакырды.