Уракны бүгеннән кайгыртучы ашлыклы була

-Санаулы гына булсак  та, башкалардан калышкан юк безнең,-диләр. –Техникабыз искерә. Ремонтка да чыгымнар елдан-ел арта бара. Трактор-чәчкечләрне яңартасы иде бит, бер дә заманнан артта каласыбыз килми!..

Хәл ителерлек бу проблема үз чишелешен көтә. Аңа да карамыйча, быел бу якларда язгы чәчү эшләре 2100 гектарда алдан планлаштырылганча җиренә җиткереп башкарылды. Басуларда, ындыр табакларында 10 агрегат, дистәләгән шофер-механизатор көнне-төнгә ялгап эшләде. Инде терлек азыгы әзерлүгә чыгачак техниканы барлау башланды. Ындыр табагы механизмнарын уракка сыйфатлы итеп, үзвакытында әзерләү дә күз уңынннан төшми.