Акхуҗа авылында икеләтә бәйрәм иттеләр

(17 март, "Апастово - информ").

Бәйрәм бик күңелле узган. Барлык йолаларын туры китереп халык рәхәтләнеп күңел ачкан.

" Авылыбызда төрле милләт халкы яши. Барыбыз да бик тату, дус булып гомер итәбез. Бәйрәмнәрне дә бергәләп, матур итеп оештырабыз. Бүген дә бик күңелле көн булды. Уеннар уйнап, биеп-җырлап, кайнар чәй-коймактан авыз итеп, халык рәхәтләнеп ял итте, куңел ачты.

Капчык киеп йөгерү, аркан тарту, ераклыкка итек ату һәм башка уеннарда олысы-кечесе катнашты. Соңыннан карачкыны яндырып, озын, буранлы, каршы кышны озаттык һәм ямьле язны каршыладык", - дип хәбәр иттеләр бәйрәмне оештыручылар китапханәче Гөлчәчәк Камалиева һәм клуб мөдире Гөлназ Гайнуллина.