Апас аграр көллияте 50 еллыгын каршылый

(7 ноябрь, «Апастово-информ»)

Иң беренче СПТУ-26, аннан СПТУ-92, соңрак Лицей-92, бүгенге көндә аграр көллият үз ишекләрен ачканга 50 ел вакыт үткән. 50 ел эчендә биредә бик күп күренекле райондашлар һөнәр үзләштергән. Бүгенге көндә Апас аграр көллияте Татарстан Республикасының Идел аръягы зонасында авыл хуҗалыгы юнәлешендәге белгечләр әзерләү буенча таныла бара. Заманча төзекләндерү эшләреннән соң биредә яңа мөмкинлекләр, уңай шартлар тудырылды. Аграр көллиятнең 3 катлы, 80 урынга исәпләнгән тулай торагы ачылу да Апас районында гына түгел, республика күләмендә тарихи вакыйга булды.