Апас аграр көллияте студентлары сынлы сәнгать дөньясында

(31 январь, “Апастово-информ”).

Талантлы райондашыбыз, укытучы, үзешчән рәссам Илсеяр Вәлиева студентларга гадәти ысул белән, ягъни кул астындагы гади буяулар һәм пумала ярдәмендә картиналар тудыру мөмкинлеге турында сөйләде. Студентлар үзләре дә төрле төсләр белән кышкы табигатьне сурәтләп карадылар. Рәсем ясау - фантазияне киңәйтә, фикерләү һәм иҗади сәләтләрне үстерә, үз-үзеңне шушы өлкәдә сынап карарга мөмкинлек бирә.

“Укуларда катнашучы һәр студент үзләре дә картина ясап карады һәм үзен чын рәссам итеп тойды. Әлеге чара бик үзенчәлекле һәм файдалы узды”, - дип язылган Апас аграр көллиятенең социаль челтәрендә.