Апас “Җәмигъ” мәчетендә “Әлифба” бәйрәме узды

(10 январь, “Апастово-информ”).

Районыбыз мәчетләре каршында быел да Ислам дине нигезләрен өйрәнү курслары эшли. Апас “Җәмигъ” мәчетендә дә шәкертләр тырышып дини дәресләр ала. Әле яңа гына биредә беренче ел белем алучылар өчен традицион “Әлифба” бәйрәме үткәрелде. Бәйрәмдә мөгаллимә Дания абыстай Самольянова укучылары үзләренең алган белемнәрен күрсәттеләр, викторина сорауларына җаваплар бирделәр. Дания абыстай матур һәм үтемле вәгазьләр сөйләп, шәкертләренә укуларында уңышлар теләде.