Апас егетләре хәрби хезмәткә китә

(7 ноябрь, “Апастово-информ”).

  Узган атнада 9 егет армия сафларына алынды. Бүген исә 2 яшь райондашыбыз юлга кузгалды. Егетләрне әти-әниләре, туганнары, дуслары изге теләкләр юллап, озатып калдылар.
Район яшьләр эше һәм спорт бүлеге җитәкчесе Ленар Мотыйгуллин егетләргә район башлыгы Айрат Җиһаншин исеменнән теләкләрен ирештерде, бүләкләр тапшырды. Район хәрби комиссары Наил Җантемиров егетләргә үзенең киңәшләрен бирде. Хәрби хәрәкәтләр ветераннары да үгет-нәсихәтләрен бирделәр.
Хәерле юл сезгә, егетләр, уңышлы хезмәт итеп, исән-сау кайтыгыз!