Апаста этләрне чиплаштырачаклар

(2 декабрь, “Апастово-информ”).

Район ветеринария берләшмәсеннән хәбәр итүләренчә, 5 декабрьдә Апас бистәсендә көн дәвамында район ветеринария хезмәткәрләре шәхси хуҗалыкларда булып, этләрне чиплаштыру эшен башкарачаклар.
“Чиплаштыру эше иртәнге 9.00 сәгатьтә башлана. Йорт хуҗаларыннан өйдә булуларын һәм шәхси документларын (паспорт, ИНН) әзерләп куюларын сорыйбыз. Җитди сәбәпләр аркасында өйдә була алмаган очракта, 884-376-21-5-63 номеры буенча шалтыратырга кирәк”, - дип хәбәр иттеләр район ветеринария берләшмәсеннән.