Апаста “Ярдәм янәшә” акциясе дәвам итә

(6 октябрь, “Апастово-информ”).

Урта Балтай авылында яшәүче апалар да “Ярдәм янәшә” акциясенә үз өлешләрен кертәләр. Алар бу көннәрдә чираттагы максировка челтәрләрен үреп бетергәннәр.
“Апалар белән кичләрен җыелышып, маскировка челтәрләре үрәбез. Һәр эшебезне егетләребезнең исән-сау кайтуларын теләп, изге теләк белән башлыйбыз. Игелекле эшкә вакыт табып булышкан авылдашларыма олы рәхмәтемне җиткерәм”, - дип хәбәр итә Урта Балтай авылы мәдәният йорты җитәкчесе Лилия Җамалиева.