Апаста кадрлар алмашы

  (10 нчы сентябрь, “Апастово-информ”).

  Сатмыш авыл җирлеге башлыгы булып Юрий Петрович Бушуев билгеләнде. Юрий Петрович Кабыккүпер авылында туып-үскән, шунда ук яши. Тормыш иптәше белән 2 бала тәрбиялиләр.
  Зур Күккүз авыл җирлеге башлыгы булып Кече Күккүз егете Айрат Гаделшович Ибраһимов билгеләнде. Шулай ук тормыш иптәше белән 2 бала тәрбиялиләр.
  “Яңа җирлек башлыклары үзебез район егетләре, җирлектә депутат булып торалар. Җирлек һәм район үсеше өчен тырышып эшләүләренә ышанабыз. Халык белән бердәм булып эшләүләрен һәм уңышлар телибез”, - диде район башлыгы урынбасары Ленар Хантимиров.