Апаста милли биюләр буенча мастер-класслар узды

(28 июль, “Апастово-информ”).

Биюләр “Татарстанда җәй” проекты кысаларында узды. Испан, татар, чегән биюләре белән парк мәйданы гөр килеп торды. Соңыннан биюләрдә катнашучылар чәй эчеп, аралашып, чарадан алган тәэсирләре белән уртаклаштылар.
Төрле халык мәдәнияте хакында күбрәк белеп, кичне файдалы һәм күңелле үткәрү – мастер классларның төп максаты иде.
Бу хакта “Апас” сәләт балалар иҗат үзәге җитәкчесе Альбина Хатыйпова хәбәр итте.