Апаста оешмалар арасында иҗади бәйгегә йомгак ясалды
Район мәдәният йортында гала концерт булып узды.
(30 нчы декабрь, “Апастово-информ”).
Район башлыгы Айрат Җиһаншин теләктәшлеге белән оешмалар арасында иҗади бәйге март аенда башланып китеп, ел буе дәвам итте. Халык һәрбер концертына теләп йөрде, гала концертка да зал тутырып килделәр. Чыгыш ясаучыларны җылы алкышларга күмделәр. Концертлардан җыелган акча махсус хәрби операция зонасындагы батыр райондашларыбызга гуманитар ярдәм өчен тапшырылды.
“Хөрмәтле райондашлар! Әлеге фестиваль уңышлы килеп чыкты. Районыбызда талантлар да күп икәнен күрдек. Эш белән гаилә мәшәкатьләре арасында эчтәлекле итеп чыгыш ясарга да өлгердегез. Чын күңелемнән оешма җитәкчеләренә, хезмәткәрләргә рәхмәтемне ирештерәм. Барыгызны да яңа ел белән. Сәламәтлек, гаиләләрегездә иминлек, тынычлык телим. Ил-көннәребез тыныч булсын!”, - дип теләкләрен ирештерде район башлыгы.
Һәр оешмага Дипломнар тапшырылды.
Следите за самым важным и интересным в Telegram-каналеТатмедиа
Нет комментариев