Апастово-информ

Апас районы

18+
Рус Тат
Район тормышы

Апаста район башлыгы Ленинград камалышы шаһиты Галия апа Гыйззәтуллина белән очрашты

Районда Ленинград камалышының тере шаһиты булган 2 кеше яши. Алар өлкәннәр ункөнлеге уңаеннан район башлыгы исеменнән күчтәнәчләр алды.

(9 октябрь, “Апастово-информ”).



Тутайда яшәүче Галия апа Гыйззәтуллина Ленинград камалышта калган вакытта нибары 4 яшьлек була. Балачакның күңелсез хатирәләре гомер буе күңелендә яши. Бу хакта еш искә алырга яратмаса да, хатирәләр яңарып, күңеле тулган чаклар еш була.

“Бөтен шәһәрне шартлау тавышлары уятты. Әткәй-әнкәйләр елаша башлады. Ул вакытта ник елаганнарын да аңламаганбыз инде. Исән-сау калып, 1942 елда авылга кайтып егылдык. Товар ташый торган вагонга утырып, 1 ай юлда булдык. Әти безне озатып калды. Үзәккә үтеп калган ачы вакыйгалар еш искә төшә”, - диде Галия апа Гыйззәтуллина.

Галия апа Гыйззәтуллинаны бәйрәм белән котларга район башлыгы Айрат Җиһаншин килде. Ул Галия апаның хәлләрен, көнкүрешен сорашты, район яңалыклары белән таныштырып, күчтәнәч тапшырды.

“Беркайчан онытмыйсыз, гел зурлыйсыз, рәхмәт сезгә. Эшләрегез күз алдында, тагын да зуррак уңышларга ирешегез”, - диде Галия апа.

 

Реклама

Следите за самым важным и интересным в Telegram-каналеТатмедиа


Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев