Апастан мобилизациядә катнашучыларга чираттагы ярдәм китте

(17 июль, “Апастово-информ”).

“Мобилизация кысаларында махсус хәрби операциядә булган егетләргә кабат гуманитар ярдәм китә. Ярдәм чараларын әзерләүдә бик күп кешенең өлеше кергән. Район башлыгы, Район Советы һәм башкарма комитеты исеменнән барыгызга да зур рәхмәт. Бу эшләр дәвамлы булсын иде. Ерак юлга чыгучыларга уңышлы юллар телибез. Ә егетләргә исән-сау кайтырга насыйп булсын”, - диде район башкарма комитетының эшләр буенча идарәчесе Ринат Гыйльфанов.
“Бүген ерак юлга кузгалабыз. Барлык җылы сүзләрегезне, матур теләкләрегезне егетләргә җиткерербез. Район җитәкчелегенә, барлык иганәчеләргә, үзеннән өлеш кертүче һәркемгә олы рәхмәт”, - диде Каратун авыл җирлеге башлыгы Радик Исмәгыйлев.
Уңышлы юллар насыйп булсын!