Атна башыннан бирле кар яуса да авыл урамнары вакытында чистартыла

(20 нче гыйнвар, "Апастово-новости")

Шул ук вакытта халыктан да ризасызлык белдергән хәбәрләр, шалтыратулар алып торабыз.
Җирлекләргә шалтыратып сөйләшеп, сораша торгач барысы да тәртиптә булуына тагын бер кат инанасың.
"Бертуктаусыз кар явып тора. Төнге 3 тән тракторлар кузгала инде. Үзебез дә һәр урамны карап торабыз. Машиналарны алдырабыз. Бер үк вакытта бөтен урамга да кереп булмый. Чиратлап чистартып барабыз. Халыктан сабыр булуларын сорыйбыз", - диләр авыл җирлеге башлыклары.
Чынлап та, сабыр булыйк әле, бер-беребезне аңлап, ярдәмләшеп яшик.
Күңелсезлек очраклары килеп чыкмасын өчен юлга чыгудан да тыелып торыйк!