«Гомер өчен рәхмәт!» Бөтенроссия бәйрәменә кушылдык

(24 декабрь, “Апастово-информ”).

“Бу бәйрәм безгә гаиләнең мөһимлеген искә төшерә. Без аларга безгә тормыш бүләк иткәннәре, авыр вакытларда ярдәм иткәннәре өчен рәхмәт белдерәбез. Еш кына янәшәдәгеләргә көн саен, сәгать саен, минут саен рәхмәт әйтергә онытабыз. Әти-әниләргә рәхмәт белдерү көне-үз мәхәббәтеңне күрсәтү, иң кадерле һәм иң якын кешеләреңә тормыш бүләк итүләре өчен рәхмәт әйтергә мөмкинлек бирә”, - ди районның бала хокукларын яклау буенча вәкаләтле вәкил ярдәмчесе Алсу Хәйруллина.

Иске Әнәле балалар бакчасында да әти-әниләр өчен «Гомеребез өчен рәхмәт!» чарасы узды.

22 декабрьдә Россиядә иң яшь бәйрәмнәрнең берсе - "Гомеребез өчен рәхмәт!" девизы астында ата-аналарга рәхмәт бәйрәме билгеләп үтелә.

"Әти-әниләргә рәхмәт бәйрәме - әти-әниләребезгә «рәхмәт» әйтергә, аларга ихлас җылы сүзләр бүләк итәргә һәм аларны никадәр яратуыбызны белдерергә менә дигән сәбәп ул! Бу бәйрәм безгә гаиләнең мөһимлеген һәм ата-аналарның безнең беренче укытучыларыбыз һәм остазларыбыз булуын искә төшерә. Без аларга безгә тормыш бүләк иткәннәре, авыр вакытларда безгә ярдәм иткәннәре өчен рәхмәт белдерәбез”, - ди тәрбияче Гөлгенә Хәйруллина.