Каратун мәктәбендә ата-аналар җыелышы узды

(18 сентябрь, “Апастово-информ”).

Җыелышта ДАИ бүлеге җитәкчесе Румбик Гәрәев тә катнашты һәм юл иминлеге, балаларны хәвеф-хәтәрләрдән саклау турында сөйләде.
Балигъ булмаганнарның, шул исәптән велосипед, мото һәм автотранспорт чаралары белән идарә иткәндә, юл хәрәкәте кагыйдәләрен бозуларны профилактикалау турында сүз булды.
ДАИ бүлеге җитәкчесе төбәктәге юл-транспорт һәлакәтләре статистикасын әйтте, юл йөрү кагыйдәләрен үтәү зарурлыгына игътибарны юнәлтте һәм ата-аналарны балаларда юлда үз-үзеңне куркынычсыз тоту культурасын формалаштырырга өндәде.