Китапханәдә “Иң күп китап укучы” билгеләнде

(23 январь, “Апастово-информ”).

Китапханә үз киштәләрендә тезеп куелган меңләгән китабы белән генә түгел, ә шулардан файдаланучы укучылары, аларның күплеге һәм активлыгы белән матур.
Апас үзәк китапханәсе 2023 ел нәтиҗәләре буенча “Иң күп китап укучы”ны билгеләде. Фәридә Булатова, Фәрдия һәм Талип Хөсәеновлар, Дамир һәм Виктория Хәбибуллиннар – китапханәбезнең иң актив, иң күп китап укучылары итеп танылдылар. Аларга Мактау грамоталары һәм истәлекле бүләкләр тапшырылды.
“Китапка, әдәбиятка мәхәббәтегез сүрелмәсен! Безнең белән бергә булыгыз!, - дип теләделәр китапханәчеләр.