“Ләйсән” бакчасына йөрүче нәниләр кызыл китап турында сөйләштеләр

(12 гыйнвар, “Апастово-информ”).

Свияжныйның “Ләйсән” балалар бакчасына йөрүче нәниләргә дә тәрбияче апалары кызыл китап турында сөйләделәр. Төрле яшьтәге балалар китапның ни өчен шулай аталуын белделәр.
 

“Кызыл төс һәрвакыт афәт сигналы булып санала, ул хайваннар һәм үсемлекләрнең юкка чыгу куркынычы астында булган төрләренә кирәк булган ярдәм турында сигнал. Шулай ук балалар белән табигатьтә үз-үзеңне тоту кагыйдәләрен искә төшерделәр. Аннары балалар уенчык хайваннар коллекциясе арасында «Кызыл китап»та булганнарны табарга тырыштылар”, - дип хәбәр иттеләр бакчадан.