Махсус хәрби операциядә катнашучы райондашыбызның улы Ислам Хәйретдиновка баян бүләк ителде

(29 декабрь, “Апастово-информ”).

Ислам Хәйретдинов яңа уку елында Апас сәнгать мәктәбенең баян бүлегенә укырга йөри башлаган. Укытучысы Камил Гайнетдинов аның сәләтенә зур ышаныч баглый. Музыкаль бүләкне Ислам бик куанып кабул итте һәм матур итеп баянда уйнап та күрсәтте.
“Апас районыннан махсус хәрби операциядә катнашучы егетебез Руслан Хәйретдинов улының сәнгать мәктәбенә йөрүен, аның яңа баян турында хыяллануын белдереп, хат юллаган иде. Министрыбыз Ирада Аюпова белән сөйләшеп, киңәшеп, Исламның хыялын чынга ашырырга булдык. Исламга уңышлар, сәләтен тагын да арттыруын, ә әтисенең исән-сау, Җиңү белән кайтуын телибез” – диде Ленар Хәкимҗанов.