Олы Бакырчыда Мәүлет ашы узды

(3 октябрь, “Апастово-информ”).

  “Мәҗлескә мәртәбәле кунаклар килгән иде: район башлыгы урынбасары Ленар Хантимеров, Мәркәзебез Казан шәһәренең "Ал таң" мәчете имамы Ирек хәзрәт, мөнәҗәтче Динар Рауф Шәймәрдәнов, "Терәк - Опора" иҗтимагый файдалы хәйрия фонды директоры Илназ Гыйлемханов, район мөхтәсибе Мирхәт хәзрәт Җамалиев, авыл җирлеге башлыгы Фәрит Вәлиев катнаштылар.
  Мәҗлесне имамыбыз Шәүкәт абый ачып җибәрде.
  Мәҗлес коръән аятьләре, мөнәҗәтләр белән аралаштырылып барды. "Терәк - Опора" иҗтимагый файдалы хәйрия фонды директоры Илназ Рафиз улы авылыбызның мәртәбәле кешеләренә "Мактау хатлары" тапшырды”, - дип хәбәр итте Рәшит абый Гыйльметдинов.

  Мәҗлеснең калган өлеше мул табын артында дәвам итте.
  Бу мәҗлеснең иганәчеләре: КФК җитәкчеләре Алмаз Харисов, Илнар Шагабиевлар, Хисамов Шәүкәт абыйлар иде. Мәҗлесне оештыруга булышкан, килгән кунакларга Аллаһы Тәгалә әҗерен бирсен.