Районда балаларны 1нче сыйныфка кабул итә башлана

(27 март, “Апастово-информ”).

Район мәгариф бүлегеннән хәбәр итүләренчә, беренче этап 1 апрельдән 30нчы июньгә кадәр дәвам итәчәк. Бу вакыт аралыгында мәктәпкә беркетелгән территориядә яшәүче, шулай ук укырга өстенлекле хокукы булган балаларның ата-аналарыннан гаризалар кабул ителә.
Гаризаларны мәктәптә килеп, Татарстан һәм Россиянең дәүләт хезмәтләре порталы, “Россия почтасы” аша калдырырга мөмкин.