Редакциядә татарча китаплар сатыла

(2 апрель, “Апастово-информ”).

Редакциябездә татарча китаплар сатыла. Төрле буягычлар, әкиятләр җыентыгы һәм башка китаплар балалар өчен бик кызыклы булыр. Шулай ук олылар өчен башваткычлар, хикәяләр җыентыклары да бар.
“Редакциягә килеп керүгә китаплар күргәзмәсе җәлеп итте. Нинди генә китаплар юк биредә... Оныгым шәһәрдә яшәсә дә, саф татар телендә сөйләшә, туган телдә укырга ярата. Бу юлы аңа бүләк итәргә дип буягычлар сатып алдым. Буягычлар балаларның логик фикерләвен үстерергә, иҗади һәм акыл эшчәнлеген арттырырга ярдәм итәр”, - ди Болынбалыкчы мәктәбе директоры Римма Гыйльметдинова.