Урта Балтай авылы ветераннарына район башлыгының Котлавы ирештерелде

(29 апрель, “Апастово-информ”).

Урта Балтай авылы җирлеге башлыгы Илфир Гәрәев өлкәннәргә район башлыгының Котлау открыткасын тапшырды һәм күчтәнәчләр белән сөендерде. Өлкәннәр үз чиратында авыр сугыш елларын искә алдылар, яшьлек хатирәләре белән уртаклаштылар.
“Өлкәннәрне һәрчак игътибар үзәгендә тотарга тырышабыз. Алар безнең киңәшчебез, тәҗрибә өләшүче якын кешеләребез. Фидакарь хезмәтләре, үрнәк тормышлары – яшьләр өчен өлге булып тора”, - дип хәбәр итте авыл җирлеге башлыгы Илфир Гәрәев.