Волейбол ярышларын кызлар дәвам итте

Апастово-информ, 4 апрель 2021 - 17:50

1211

Апаста “Мәктәп волейбол лигасы” проекты кысаларында ике көн дәвамында зонакүләм ярышлар барды.

(4 апрель, “Апастово-информ”).

Ярышлар Апас универсаль спорт залында һәм Апас мәктәбендә узды. Беренче көнне ир-егетләр көч сынашты, бүген ярышларны кызлар дәвам итте. Уеннар кызу, киеренке барды. Бер команданың да сынатасы килмәде. Нәтиҗәдә ир-егетләр арасында беренчелек - Яшел Үзән районында, икенче һәм өченче урыннарны Кайбыч һәм Чүпрәле районнары бүлеште. Кызлардан беренче урында - Кайбыч, икенче һәм өченче урыннарда Апас белән Чүпрәле районнары командалары.
“Ярышларны үткәрү өчен барлык шартлар да тудырылды, балаларны ашату оештырылды”, - дип белдерде район мәгариф бүлеге җитәкчесе Гөлүсә Галләмиева.