“Тоннель“ операциясе барышында 1 салмыш шофер ачыкланган

(13 ноябрь, “Апастово-информ“).

Иртәнге сәгатьләрдә эшкә баручы, транспорты белән юлга чыккан барлык шоферларның да кагыйдәләрне ничек үтәвенә игътибар бирелде.

“Шушы вакытта 10 кагыйдә бозучы ачыкланды. Арада каралтылган тәрәзә, укылышсыз номер белән йөрүче, страховкасы булмаган транспорт ияләренә беркетмәләр төзелде“, – ди ЮХИДИ җитәкчесе Румбик Гәрәев.

Иртәсе күңелсез тәмамланган райондашлар арасында 1 салмыш шофер да бар. Ул руль артына утырып чыкканда азагын уйламаган. Хәзер шоферга 30 мең сум күләмендә штраф яный һәм 1,5 ел җәяү йөреп торырга туры киләчәк.