Дуслары күз алдында су астына киткән: Камада 18 яшьлек егет батып үлгән
Кама елгасында яңа төзелеп килүче Алабуга пляжында 18 яшьлек егет батып үлгән. Елгада коену тыелу турында күпсанлы кисәтү язуларына карамастан, бер төркем яшьләр аларны игътибарсыз калдырган. Бу хакта «Татар-информ» хәбәр итә.
Россия Гадәттән тыш хәлләр министрлыгының ТР буенча Баш идарәсендә сөйләүләренчә, егет дуслары белән бергә коенган. Бер мизгелдә егет ярдәмгә чакыра башлаган.
Фото: © Россия Гадәттән тыш хәлләр министрлыгының ТР буенча Баш идарәсе
Кызганычка, егетне коткара алмаганнар. Ул дуслары күз алдында су астына киткән.
Егетнең мәетен коткаручылар ярдан 25 метр ераклыкта 2,5 метр тирәнлектә тапканнар. Аны полицейскийларга тапшырганнар.
Гадәттән тыш хәлләр министрлыгында пляжның рәсми ачылышы әле булмавын искә төшерәләр, анда коену тыелу турында аншлаглар куелган, диелә хәбәрдә.
Фото:Россия Гадәттән тыш хәлләр министрлыгының ТР буенча Баш идарәсе
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев