Фаҗига белән тәмамланган романтик кич – хатын-кыз саунада иренең кулында үлгән

  41 яшьлек хатын-кызның туганнары сүзләренчә, кичә кич ир белән хатын сәламәтләндерү комплексына киткән. Анда бассейнлы фин саунасын арендага алганнар. Шул рәвешле романтик очрашу ясарга булганнар.

  Бер мизгелдә хатын-кызның хәле начарлана. Ире чабынган арада, ул суга чумып алырга була. Аннан соң ир кеше сәер тавыш ишеткән һәм хатынына таба борылган, ләкин хатын-кыз инде су төбенә киткән була.

  Ир хатынын коткарырга ашыга, аны судан чыгара. Хатын-кызның авызыннан һәм борыныннан күбек киткән, ә аннары кан ага башлаган. «Ашыгыч ярдәм» килгәнче, ир-ат хатынын реанимацияләргә тырышып караган. Хатын-кызның тыны кысыла башлаган, һәм ул аңын югалткан. «Ашыгыч ярдәм» килгәнче ул инде үлгән.

  Якыннары сүзләренчә, хатын-кыз күптән түгел генә гайморит белән чирләгән. Температура кискен үзгәргәч, борыныннан кан киткән.

_{Чыганак:https://intertat.tatar/news/romantik-kic-faiga-belan-tamamlangan-xatyn-kyz-saunada-irenen-kulynda-ulgan-5871451}

_{Фото:https://ru.freepik.com/free-photo/high-angle-view-woman-getting-out-water-after-swimming-pool-spa-copy-space_26399893.htm#fromView=search&page=3&position=12&uuid=6295cf85-b8a2-43fe-b677-dce4f51ed7de&query=сауна+с+бассейном+фото+без+людей}