Иртәгә тавыкларыгызны карабодай белән сыйлагыз!

  Иртәгә өйне ике төрле себерке белән себерергә ярамый икән. Югыйсә өйдәгеләр арасында тавыш-гауга чыгачак.
Ишек алдындагы карны да себерергә ярамый, ди. Бәхет белән уңышны себереп чыгарырга мөмкин, имеш.

  12 декабрьдә яман гадәтләрне якын да китермәгез! Кара көчләр кешенең йомшак икәнлеген аңлап, аңа ияләшергә һәм тормышын бозарга мөмкин, имеш.
Иртәгә тавыкларыгызны уң кулыгыздан сибеп, карабодай белән сыйлагыз, алар күп йомырка салыр.

  12 декабрьдә сездән нидер бурычка сорап торсалар, бирегез. Биргән кешегә дә, алган кешегә дә уңыш киләчәк.
Иртәгә мөһим килешүләргә кул куюны кичектереп торсагыз да була. Уңышлы булмаска мөмкин.

  12 декабрьдә 12 яше тулмаган балаларның чәчен кисү тыела икән. Чәч белән баланың акылын кисеп төшерергә мөмкин, имеш...

12 декабрь сынамышлары:
Бу көнне кар яуса, тиздән буран чыгачак.
Иртән таң бик кызыл булып атса, тиздән көчле җилләр башлана.
Кар бөртекләре эреләнсә, җылытачак.
Иртән көн кояшлы булса, ай буе аяз булачак.
Ылыслы урман шауласа, җылыта.

_{Чыганак:https://kiziltan.ru/articles/kyzyk-news/2024-12-11/irt-g-tavyklarygyzny-karaboday-bel-n-syylagyz-4046861}

_{Фото:https://ru.freepik.com/free-photo/chicken-walking-farm_1713225.htm#fromView=search&page=1&position=4&uuid=82782de6-2de4-4c98-b4ac-f2b10a829b2f}